SIYAD- Axad 25 Abriil 2021- Waxaa ka kala goysay shanqar iridka ka soo yeertay. Waxay dareentay qof saan culus oo u soo galay. Indhahase uma kala furine way ismoogaysiisay. Aad bay u necbayd in cidi u soo gasho. Waxay la ahayd culays ka daran kii ay hore u dareemeysey. “Maana-Faay! Maxaa ku daaray Maana?” Way garatey. Waa codkii macaanaa ee hooyadeed. Weli indhaha ma kala furin, farna ma dhaqaajin. Intay hooyo ku soo booddo oo dhexda isaga duubto labada dhaban kama dhunkan, sidii caadada u ahaan jirtay, markii ay dugsiga ka timaaddo. Maana Maanadeedii ma aha. Habartii oo qalbi jabsan, xaaladdeedana qaddarinaysa, ayaa intay ku soo dhawaatay, codkiina u sii dabcisay, oraahdii hore u raacisay, “Joogso-hee gebertey dharka iska beddel muggoo aa khadayside. Khadadii waa kaa khaboobooheey saaye.” “Khada-khadadiina ma rabiye ammaan aan niiga helo,” ayay si kulul ula soo boodday markii hooyadeed hadalkii ku celcelisay. Markay tiri ka dib bay la soo xumaatoy oraahdaas aan asluubta l...

SIYAD Jimce 23 Abriil 2021- Alhriste kusoo dhawaaw taxane cusub oo ku saabsan sheekada caanka ah ee maanafaay oo uu qoray qoraaga weyn Maxamed Daahir Afrax.  Sheekadaan oo wax badan xambaarsan xiisa gooniyana kuu yeelandoonta akhrinteedu waxay si maalinle ah kala socondoontaan baraheena kala duwan ee internet-ka Siyad al-cadaadi iyo Abdisalamsiyad inta lagu guda jiro bisha barakeysan ee ramadaan. Hordhac uu daabacaddii koowaad 1981 u qoray Maxamed Aadan Sheekh, Guddoomiyihii Jaamacadda Ummada, Soomaaliya. Qisada Maanafaay iyo qiimeheeda taariikhiga ah inta aynaan u galin, horta aan is weydiinno qisoy maxaad tahay? Runtii wax badan baa fasiraad laga bixiyey, siyaalo badanna loo rogrogey, inta ay nooc leedahayba. Hase yeeshee annaga, Soomaali ahaan,  ahmiyad gaar ah ayaa bilowgeedu noo leeyahay. Waa marka horee afkeenna qoriddiisu dhoweyd, welina dihin, waa u tijaabo sida farshaxan qurxoon qoraal ahaan loogu bandhigi karo, ama  sida afku dareen kasta u cabbiri karo. Waa tan...

SIYAD Jimce 23 Abriil 2021-  Nafyahay aduunyadu Waa ayaama qura e Intaan iilka lagu dhigin Oo aan mowdku kuu iman Camalkaa hagaajiyoo Wanaagaaga hooy badi. Samankii hore gaar ahaan waqtigii khilaafadii Cabaasiyiinta ayaa maalin maalamha ka mid ah khalifkii khalifaada oo la oran jiray Haaruun Al-Rashiid soo maray nin la oran jiray Bahluul oo dul fadhiya Qabuur qabuuraha ka mid ah, markaasa Haaruun ayaa si caro leh u yiri " Waryaa Bahluul ninyohow waalan gormaad caqliyeysan? " Bahaluul Intuu kacay buu orod ku fuulay geed aad u dheer oo inta cod dheer ku qayliyey ayuu yidhi "Waryaahee Haaruun, ninyohow waalan, gormaad adigu caqliyeysan? Khalifkii Amiir Haaruun intuu ku soo dhaqaaqay dhankiisa ayuu asaga oo saaran faraskiisa hoos yimid geedkuu saarnaa Bahluul oo ku yidhi: Ma anaa waalan mise adiga Qubuurta kor fadhiya? Bahaluul wuxuu yiri "maya anaa caaqil ah Haaruunow adiga boqorka sheeganaya ayaana waalan, waayo adiga Qasrigaas halkaa ka muuqda ayaad ca...

SIYAD Sabti 17 Abriil 2021- Daraasad ku saabsan “Qaab-dhismeedka Siyaasadeed ee baahsan ee loogu talagalay Soomaaliya”. Liiska Xulashooyinka (Decentralized Political Structure for Somalia: A Menu of Options) Waxaa diyaarintiisa iyo maal-gelintiisa masuul ka ahaa Midowga Yurub xaruntiisa Soomaaliya oo kaashaneysa Hey’adda Horumarinta Qaramada midowbay. Waxaana loo xil-saaray 8 Barafasoor lataliyayaal sarena ka ahaa Machadla culuumta Dhaqaalaha iyo Siyaasadda ee (London School of Economics and politics). Daraasadaan oo soo baxday sanadkii 1995kii, waxaa sida muuqata loogu talo galay sidii dalka Soomaaliya gebi ahaanba looga cirib-tiri lahaa adduunka, oo waxaa ayba ugu yeereen “Soomaaliyadii hore”. Waxaa si arrintaasi u suurto gasho midowga Yurub oo kaashanaya macalimiintaasi ku sameeyeen daraasad sida ugu haboon ee loo kala furfuri karo Soomaali iyada oo loo sameynayo dowlado faro badan oo ku saleysan Qabiil, waxaa ay si qoto dheer u qeexeen Qabiiladda Soomaalida iyo sida ay isugu xi...

SIYAD Sabti 17 Abriil 2021- Maalin maalmaha kamid ah wiilkii yaraa Toomaas Edhison wuxuu yimid guriga isagoo kayimid iskuulka, wuxuu warqad uu waday udhiibay hooyadii kuna yiri " hooyo warqadaan waxaa isoo dhiibay macalinka wuxuuna I yiri " hooyadaa warqadaan ugee hana aqrido kaligeed ", hooyadii waxay bilowday inay warqadii aqriso, wiilkii yaraana inta horteed fariistay ayuu isaga oo dhoolacadeynaya ku yiri " maxay leedahay warqaddu ?" Hooyadii indhaheeda illin ayaa soo joogsatay kadibna waxay bilowday inay warqadda kor ugu aqrido wiilkeeda.... " wiilkaagu waa wiil hanad ah (hibo leh, cabqari ah, hal-abuur leh maskaxdiisu ay cajiib tahay), Iskuulkaan isaga mid u qalma ma ahan aadbuu Iskuulkaan u yaryahay mana lahan macalimiin ku filan oo isaga waxbara', fadlan adigu waxbar "!. Hooyadii waxay bilowday inay wiilkeeda waxbarato...muddo ayay wax baraysay kamana quusan maalinna illaa ajashii u timid oo ay aduunka katagay, sanado badan kadib geerid...