MACALINKU WUXUU BADALAA DAQANKA QOFKA (WAXAA TAHAY DOQON!)

“ Waxaan ahaa ardey dhigta Dugsiga hoose, macalimadeydu waxay aheed mid mar walba igu hor caayda ardada hortooda waxay I dhihi jirtay waxaad tahay DOQON! Ardaduna wey igu maadsan jireen illaa anigu lafteydu aan aaminey inaan ahay doqon.

Waxaa dhacdey in macalimadii sanadkii xigay la badalay oo macalimad kale ay badashay, maalintii koowaad ee ay fasalka soogashay su’aasheedii koowaad waxaa alle qadarey iney aniga iweydiiso balse ardeydii ayaa halmar wada qosolay! Iyagoo wajiyadooda kamuuqato iney layaabanyihiin doqonkii oo maanta la su’aalayo.

Macalimadii waxay fahantay arinka oo wiilka ay su’aasha weydiisay yahay mid lagu jeesjeesayo, cashirkeedii ayay iska wadatay; markii xiisadii dhamaatay ayaa gacanta I qabatayn waxayna ii qortay gabay carabi ah oo dhowr beyd ah waxayna igu tiri soo xifdi gabaygaan sida aad u xifdisantahay magacaaga cid ha u sheegin arinkaan (inaan kuu qoray gabaygaan) xataa hooyadaa, waayahay ayaan ku iri waxaanan gurigii.

Cawadii oo dhan waxaan xifdinayay Gabaygii ilaa lagaaro xili danbe, subixii markii lagaaray waxaan aadey Dugsigii macalimadii waxay saartey sabuuradii Gabaygii markii ay dhameysay qoritaanka ayay ilbiriqsiyo gudahood ku tirtirtay dhamaan gabaygii sabuuradda ku qornaa. waxay fasalka weydiisay yaa wax ka xasuusta gabaygii imika aan qoray? Dhammaan ardadii indhaha lawada taagay! Waxaase se gacanta taagtay aniga! Waa la yaabay oo layaabay!! Alla ma doqonkiibaa maanta wax ka jawaabaya tolow muxuu sheegi doonaa?!!

Ileen waxaan ahay nin horey usoo xifdiyaye waxaan u durduriyay sidii kal-faatixa ardeydii indhaa ka soo haray oo afkiiba juuqda gabay, macalimadeydii iyadoo ii dhoolacadeyneyso ayaa markii aan dhameey tiri hagaag, fasalkiina tiri haloo sacbiyo…… sacab ayaa isqabsaday fasalkii.

 Mudo Todobaad ah ayay sidaa ii dhiiri galineysay macalimadeydii illaa fasalkii ii arkay nin aqoon leh firfircoon oo wax goosa kara, aniga laftaydii yididiilo iyo awood ayaa isoo gashay  waxaan noqday nin naftiisa ka adag, dugsigii dhexe, sare iyo digriigeygii koowaad ee jaamacada waxaan ahaa nin dhibcaha uu baasayaa ahaayeen kuwo heer sare ah hada oo aan warqadaan qorayana waxaan ahay Master degree nolosha heer sare ka gaaray……… Alxamdulillaah. Mahadsanid Macalimadeydii.”

Qisadaan waxaa mid kamid ah joornaalada wadanka masar ku daabacay aqoonyahan u mahad-celinaya sidoo kalena ka sheekeynaya sida macalimadiisii dugsiga hoose hoorseedka ugu aheed guulaha uu wax barashada ka gaaray,

 

WQ: Abdisalan Siyad